Америкалик 10 килограммли сабзи етиштириб, рекорд ўрнатди

АҚШнинг Миннесота штатида яшовчи боғбон Кристофер Квалли шу йил дунёдаги энг улкан сабзини етиштирди, деб ёзади «АиФ».

Сабзавотнинг оғирлиги 10,17 килограммни ташкил этди. У 2014 йилда Буюк Британияда ўстирилган аввалги «жаҳон рекордчиси»дан нақ бир килограммга оғирроқ.

Икки йил олдин улкан сабзавотларни етиштиришга қизиқиб қолган Кристофер жаҳон тажрибасини диққат билан ўрганиб чиқиб, тупроққа алоҳида эътибор қаратди. Энди унинг ўзи таъкидлашича, рекордининг асосий сирлари — нав, тупроқ, об-ҳаво ва бироз омад.

Кристофер улкан сабзини ейиш мумкин, деб ҳисоблайди, аммо унинг ўзи сабзидан татиб кўргани йўқ — ундан уруғлик олиш учун уни ерга экиб қўйди.

Эркак энди улкан помидор ва ошқовоқларни етиштиришга киришмоқчи.