6 декабрь куни старт оладиган футбол клублари ўртасидаги Жаҳон Чемпионати беллашувлари UzReport ва Futbol-TV телеканалларида намойиш этилади. Бу ҳақда телеканал шарҳловчиси Даврон Файзиев Россия—2018 мундиалига қуръа ташлаш маросими трансляцияси вақтида айтиб ўтди.
16 декабрга қадар давом этадиган мусобақага БАА мезбонлик қилади ва унда ўз қитъасининг чемпион жамоалари рақобат ҳосил қилади: «Реал Мадрид» (УЕФА), «Гремио» (CONMEBOL), «Пачука» (CONCACAF), «Видад Касабланка» (АФК), «Урава Ред» (ОФК), «Окленд Сити» (Океания). Шунингдек, Амирлик чемпионатининг амалдаги ғолиби, ўзбекистонлик Сардор Рашидов тўп сурадиган «Ал-Жазира» ҳам мазкур мусобақада иштирок этади.
«Реал Мадрид» ва «Гремио» клублари турнирга ярим финалдан бошлаб қўшилади. Мусобақанинг илк ўйинида «Ал-Жазира» Янги Зеландиянинг «Окленд Сити» клубига қарши майдонга тушади. UzReport ва Futbol-TV турнирдаги барча беллашувларни жонли кўрсатади.
Айни вақтда телеканал Россия—2018 мундиали трансляцияси ҳуқуқини қўлга киритиш устида иш олиб бормоқда. Бу борада UzReport телеканалига Спорт-ТВ рақобат туғдиради. Бунгача UzReport ЖЧ—2018 қуръасининг трансляцияси ҳуқуқини харид қилиш бўйича рақобатда ютиб чиққанди.
Изоҳ (0)