Греция шимолида рўй берган ЙТҲда тўрт муҳожир ҳалок бўлди. Бу ҳақда «РИА Новости» хабар бермоқда.
Маҳаллий полиция баёнотига кўра, фожиа Неа Перамос шаҳри яқинида, Кавала – Салоники йўлида рўй берди. Машинада тўққиз киши — саккиз ноқонуний муҳожир ва ҳайдовчи бор эди.
Машинани бошқариб кетаётган эркак полиция талабига кўра автоуловни тўхтатмай, қочишга уринди. У катта тезликда чекка йўлга ўтаман деб жарликка қулади.
Тўрт киши ҳалок бўлди, бир киши оғир аҳволда шифохонага ётқизилди. Қолган тўрт киши жиддий жароҳат олмади.
Маълумотга кўра, ҳайдовчи ҳам муҳожир бўлиб, у доимий яшаш рухсатномасига эга бўлган. Машина эгаси эса Афинада яшовчи Покистон фуқароси бўлган.
Изоҳ (0)