Россия президенти Владимир Путин Фаластин етакчиси Маҳмуд Аббосга Фаластин халқи билан бирдамлик халқаро куни муносабати билан табрик йўллади. Бу ҳақда «Интерфакс» хабар бермоқда.
Путин мазкур табригида Маҳмуд Аббоснинг Фаластин муаммосининг сиёсий-дипломатик ечими тарафдори эканлигини маъқуллади.
«Иордан дарёсининг ғарбий соҳили ва Ғазо секторида сақланиб келаётган зиддият, шунингдек ҳудудда ўсиб бораётган терроризм ҳавфини ҳисобга олган ҳолда сизнинг Фаластин муаммосининг сиёсий-дипломатик ечими тарафдори эканлигингиз муҳим аҳамият касб этади. Биз Фаластин миллий бирлигини қайта тиклаш юзасидан ҳамкорлик қилишда давом этамиз», — дейилади Путиннинг табригида.
Путин, шунингдек, Россия Фаластин билан иқтисодий алоқаларни ривожлантиришга ва унинг аҳолиси дучор бўлаётган ижтимоий муаммоларни ҳал этишда фаол иштирок этишга тайёрлигини таъкидлади.
Изоҳ (0)