Сурия ва Ироқда давом этаётган жанговар ҳаракатлар шароитида ИШИД террорчилик ташкилоти МДҲга аъзо давлатларнинг жанубий чегараларига хавф туғдириши мумкин. Бу ҳақда МДҲ аксилтеррор маркази раҳбари Андрей Новиков Санкт-Петербургда бўлиб ўтган МДҲ давлатлари бош прокурорлари мувофиқлаштирувчи кенгашининг 27-мажлисида маълум қилди, деб хабар берди Kazakhstan Today.
«Бугунги кундаги вазиятни таҳлил қилиш яқин келажакда унинг нормаллашуви эҳтимолдан узоқ эканлигини кўрсатмоқда. Сурияда ИШИДга қарши эришилган ютуқларга қарамай, Сурия ва Ироқдаги террорчилик фаолияти ҳамдўстлигимизнинг жанубий чегаралари таҳдид солиши мумкин», — деди Новиков.
Унинг таъкидлашича, ҳамдўстликка аъзо мамлакатларнинг прокурорлари «конституциявий қонунийлик ва ҳуқуқий тартиб ҳимоясида, нормалар ва халқаро ҳуқуқларнинг амалга оширилишида собит турмоқда».
Новиков шунга қарамай ҳали жуда кўп муаммоли масалалар мавжуд эканлигини қайд этди. «Интернет тармоғи орқали радикал фикрларнинг кенг тарқалиш муаммоси кескинлигича турибди. Россияда бунга қарши курашишнинг самараси бош прокуратурага суддан мустақил равишда ахборот ресурсларини тўсиш имконияти тақдим этилгач оша бошлаган», — деди Новиков.
Изоҳ (0)