«Касперский лабораторияси» асосчиси Евгений Касперский Лондонда бўлиб ўтган брифингда мижозлар ортидан жосуслик қилаётгани борасида сўров олгудек бўлса, ўз бизнесини Россиядан олиб чиқиб кетишга тайёр эканлигини билдирди. Бу ҳақда Reuters агентлигига таяниб, «Ведомости» хабар берди.
Касперскийнинг таъкидлашича, Россия махсус хизматлари ҳеч қачон унга ғарб фойдаланувчилари ортидан кузатиш борасида мурожаат қилмаган. «Агарга рус ҳукумати менинг ёки ҳамкасбларимнинг ёнига келиб ноқонуний ишни бажаришни талаб қилса, мен бизнесимни Россиядан олиб чиқиб кетаман», — деди у.
Шунингдек, унинг қўшимча қилишича, «Лаборатория» ҳеч қачон Россия ёки бошқа мамлакат махсус хизматларига ёрдам кўрсатмаган. Унинг сўзларига кўра, аввалроқ оммавий ахборот воситалари ва америкалик расмийлар «цунами» сингари компанияни «ўз домига тортган» асоссиз баёнотлар билан чиққан.
2017 йилнинг баҳорида АҚШ «Касперский Лабораторияси»ни Россия махсус хизматлари билан алоқаси борликда гумонлаётгани маълум бўлганди. Компаниянинг ўзи бу каби хабарларни инкор этган. Сентябрь ойида АҚШ президенти Дональд Трамп маъмурияти амалдорларга ўз компьютерларидан рус дастурчисининг ҳар қандай софтларини ўчириб ташлашни буюрган.
Изоҳ (0)