Марказий банк бошқаруви қарори билан (рўйхат рақами 2536-1, 2017 йил 23 ноябрь) «Капитал ҳаракати билан боғлиқ айрим валюта операцияларини амалга ошириш тартиби тўғрисида низом»га ўзгартириш киритилди, деб хабар берди Norma.
Капитал ҳаракати билан боғлиқ валюта операциялари рўйхатига хорижий мамлакатлардаги ўз филиалларида айланма маблағларига эга резидентлар ҳам киритилди.
Бундан ташқари қуйидаги валюта операциялари фақатгина Президент, Вазирлар Маҳкамаси ёки халқаро келишув қарорлари асосида амалга оширилади:
- Ўзбекистон Республикаси резидентларининг банк ҳисобварақаларидан хорижий давлатларга 10 минг АҚШ долларидан ортиқроқ маблағ ўтказганида:
- хорижий корхоналарнинг устав капиталини шакллантириш (ёки улуш орқали иштирок этиш);
- резидентлар томонидан хорижий мамлакатлардаги ўз филиалларининг айланма маблағларини тўлдириши;
- Ўзбекистон резидентлари томонидан норезидентларга кредитлар, пул ва товар заёмлари, шунингдек, лизинг объектларини тақдим этиш;
- Резидентлар маблағини тижорат банкларининг ҳисоб рақамларидан хорижий мамлакатлардаги ҳисобварақларга (депозитларга) жойлаштириш ва кўчмас мулкни сотиб олиш учун маблағларни ўтказиш.
- Ўзбекистон Республикаси фуқаролари;
- Хориж фуқаролари ва мамлакатда доимий яшаш ҳуқуқига эга фуқаролиги йўқ шахслар;
- Ўзбекистон ҳудудида рўйхатдан ўтган юридик шахслар;
- Ўзбекистоннинг хориждаги дипломатик иммунитети ва имтиёзларидан фойдаланувчи дипломатик ҳамда бошқа ваколатхоналари, шунингдек, хорижда хўжалик ва тижорий фаолиятни амалга оширмайдиган маҳаллий ташкилотларнинг ваколатхоналари.
Изоҳ (0)