Қозоғистонга чегара орқали 3,5 минг донадан ортиқ ондатра терисини олиб ўтишга уринган икки нафар Ўзбекистон фуқароси қўлга олинди, деб хабар берди Kazakhstan Today.
«Еттисой божхона постининг навбатчи отряди чегара орқали 3500 донадан ортиқ ондатра терисини олиб ўтишга ҳаракат қилган икки нафар Ўзбекистон фуқаросини қўлга олди», — деб хабар берди Қозоғистон Республикаси Миллий хавфсизлик қўмитаси матбуот хизмати.
Идорадагиларнинг таъкидлашича, ўзбекистонликлар иккита Nexia автомобили орқали Қозоғистонга ўтмоқчи бўлган. Ноқонуний юк транспорт воситасини текшириш жараёнида маълум бўлган.
Бу ҳақда ўзаро ҳамкорлик қилувчи органлар вакилларига хабар берилган.
Изоҳ (0)