27 ноябрнинг эътиборга молик янгиликлари — «Дарё»нинг кечки дайжестида.
1. Аёвсиз танқид: Шавкат Мирзиёевнинг Фарғонадаги йиғилишидан янги видео эълон қилинди. Унда, исмлари айтилмаган бўлса-да, бош вазирнинг собиқ ўринбосари Рустам Азимов ва собиқ бош прокурор Рашиджон Қодиров кескин танқид қилинганини сезиш қийин эмас.
2. Ўзбекистонда доллар курси 8100 сўмга яқинлашди. АҚШ валютасининг курси сўнгги бир ой давомида сўмга нисбатан фақат ўсди.
3. Фарғонада содир бўлган ҳаво-газ аралашмаси чақнаши оқибатида 3 нафар мактаб ўқувчиси жароҳатланди. Чақнаш газ воситаларидан фойдаланишда хавфсизлик қоидаларига риоя этмаслик оқибатида юз берган.
4. Президент Юридик коллеждаги пичоқбозлик ҳақида: «Ўқувчи пичоқ олиб юргани учун ким жавоб беради?». Шавкат Мирзиёев Боровскийдаги фожиа ҳақида ҳам оғриқли савол берди: «Нега биз бу ҳақда ижтимоий тармоқлар орқали билдик?».
5. 28 ноябрь куни Қорақалпоғистон ва Хоразмда қор ёғиши мумкин. Умуман олганда, ҳаво ҳарорати бутун мамлакат бўйлаб совийди. Айниқса, кечаси.
Изоҳ (0)