24 ноябрь, жума куни Мексика пойтахти аэропортида катта миқдордаги бриллиантларни ноқонуний равишда олиб ўтмоқчи бўлган испаниялик фуқаро қўлга олинди, деб хабар берди «РИА Новости».
Қонунбузар бриллиантларнинг бир қисмини сумкасига яширган, қолган қисмини эса ўз танасининг атрофига ўраб чиққан.
«Мексика федерал полицияси Мехико аэропортида Колумбияга 11,5 минг дона бриллиантни ноқонуний олиб ўтишга уринган испаниялик фуқарони қўлга олди. Қўлга олинган шахс Африка халқаро бриллиантлар контрабандаси тармоғининг аъзоси бўлиши мумкин», — деб ёзади полиция ўзининг Twitter’даги саҳифасига.
Испаниялик ўзини шубҳали тутган ва ундан текширув учун қўлидаги юкини тақдим этиш сўралган. Юк чамадонининг тубида яна бир яширин тирқиш бўлиб, у ердан пластик пакетларга ўралган бриллиантлар топилган. Қолган бриллиантларни у ўзининг танаси атрофига ўраб чиққан.
Изоҳ (0)