Францияда 25 ноябрь, шанбага ўтар кечаси Мисрдаги теракт қурбонлари хотирасига Эйфель минораси чироқлари ўчирилди. Бу ҳақда Париж мэри Анн Идальго маълум қилди, дея хабар беради «Газета.ru».
«Қурбонлар оиласига ҳамдардлик, жабрланганларга қўллаб-қувватлашимни билдираман. Эйфел минораси чироқлари Мисрдаги қурбонлар хотирасига мотам рамзи сифатида ўчирилади», — дея ёзув қолдирди Идальго Twitter’даги саҳифасида.
Эслатиб ўтамиз, Синай ярим оролининг Ал-Ариш шаҳри яқинидаги ар-Роуда масжидига жума намози чоғида уюштирилган ҳужум оқибатида 235 киши ҳалок бўлди, 130 киши яраланди.
Изоҳ (0)