Дональд Трамп Американинг Time журнали унга яна бир бор «йил одами» бўлишни таклиф қилганини, бироқ АҚШ президент буни рад этганини маълум қилди, деб хабар берди «РИА Новости».
«Time журнали қўнғироқ қилиб, мени ҳудди ўтган йилгидаги каби «йил одами» деб эълон қилишлари мумкинлиги ҳақида маълум қилди, бироқ у ҳолда интервью беришимга ва катта суратга олиш жараёнида қатнашишимга тўғри келади. Мен ушбу фикр у қадар яхши эмаслигини айтдим ва иштирок этишдан бош тортдим. Шундай бўлса ҳам раҳмат», — деб ёзади Трамп ўзининг Twitter’даги саҳифасига.
Нашрнинг сайти томонидан ўтказилган сўровларга кўра, ўқувчилар версияси бўйича 2017 йилда ушбу «унвон»га эга бўлиш йўлида Саудия Арабистони шаҳзодаси Муҳаммад ибн Салмон Ал-Сауд етакчилик қилмоқда.
Ўтган йили Трамп Ҳиллари Клинтон ва Марк Цукербергни ортда қолдириб «йил одами»га айланган эди.
Time журналининг версияси бўйича «Йил одами» 1927 йилдан буён ҳар йили аниқланади. 1950 йилга қадар «унвон»га аниқ шахслар номзод бўлган бўлса, кейинроқ унга мавҳум персонажлар ҳам эга бўла бошлаган.
Изоҳ (0)