Тошкент шаҳар Шайхонтоҳур туманида 2017 йилнинг 14 ноябрь куни соат тахминан 23:55 да номаълум шахслар фуқаро Асомиддин Асилбековнинг хонадонига ғайриқонуний равишда кирган. Шундан сўнг номаълум шахслар уй эгасига ҳужум қилиб, пичоқ қўллаш ва тан жароҳати етказиш билан қўрқитиб, унга тегишли бўлган 25 минг АҚШ доллари миқдоридаги пуллар ва Samsung русумли уяли телефонини эгаллаб, воқеа жойидан яширинган. Бу ҳақда Тошкент шаҳар ИИББ хабар берди.
Мазкур ҳолат юзасидан Тошкент шаҳар ИИББ ҳузуридаги Тергов бошқармаси томонидан Ўзбекистон Республикаси Жиноят Кодексининг 164-моддаси 4-қисми «а» банди билан жиноят иши қўзғатилган.
Ички ишлар органлари ходимлари томонидан ўтказилган тергов- тезкор тадбирлар натижасида, мазкур жиноятни Аслиддин Фозилов, Абдулла Айсанов, Ойбек Мусаев, Зохидхон Боситхонов ва Даврон Ниёзов содир этганлиги аниқланган.
Ҳозирда дастлабки тергов ҳаракатлари давом эттирилиб, уларнинг бошқа жиноятларга алоқадорлиги текширилмоқда.
Жабрланувчининг исми ва фамилияси ўзгартирилган.
Изоҳ (0)