Корея Республикасига ташриф давомида «Ўзбекэнерго» АЖ вакиллари KEPCO Корея давлат энергетика компанияси билан музокаралар олиб борди. Бу ҳақда Ўзбекистон Президенти матбуот хизмати хабар бермоқда.
Музокаралар доирасида кореялик ҳамкорлар билан Ўзбекистон энергетика секторидаги ҳамкорликни янада кенгайтириш, диспетчерлик хизмати ва маълумотларни тўплашга мўлжалланган SCАDА тизимини ва EMS бошқарув тизимини жорий қилиш ҳамда энергоблоклардаги мавжуд ахборот технологиялар тизимини модернизация қилиш масалалари муҳокама қилинди.
Учрашув якунларига кўра, 21 ноябрь куни «Ўзбекэнерго» АЖ бошқаруви раиси ўринбосари Шуҳрат Шералиев ва KEPCO Корея давлат энергетика компанияси вице-президенти Ҳянг Реол Лю томонидан ўзаро ҳамкорлик шартномаси юзасидан келишувга эришилди.
Ушбу ҳамкорлик келишуви доирасида ўзаро тажриба ва мутахассислар алмашиш, шунингдек, халқаро молия институтлари ҳисобланган Осиё Тараққиёт банки, Халқаро Тикланиш ва Тараққиёт банклари ёрдамида юқорида қайд этилган лойиҳаларнинг молиялаштириш масалалари ўрганилади.
Изоҳ (0)