Ўзбекистон Республикаси Президенти Шавкат Мирзиёев президент Мун Чжэ Иннинг таклифига биноан 22 ноябрь куни давлат ташрифи билан Корея Республикасига келди, деб хабар берди Ўзбекистон Президенти матбуот хизмати.
Сеул халқаро аэропортида Ўзбекистон Президенти шарафига икки давлат байроқлари кўтарилди, фахрий қоровул саф тортди. Шавкат Мирзиёевни Корея Республикасининг расмий шахслари кутиб олди. Маросимдан сўнг Ўзбекистон делегацияси ўзи учун ажратилган қароргоҳга йўл олди.
Ташриф доирасида Ўзбекистон раҳбари Миллий Ассамблея Спикери Чон Се Гюн ва Корея бош вазири Ли Нак Ён билан учрашиши, икки давлатнинг етакчи иқтисодий ва молиявий тузилмалари раҳбарлари, йирик ишбилармонлар иштирокидаги Ўзбекистон — Жанубий Корея бизнес форумида иштирок этиши кўзда тутилган.
Изоҳ (0)