Калифорния штатидаги Шимолий округ федерал суди Дональд Трампнинг иммиграция соҳасидаги қонунчиликка риоя этмаётган шаҳарлар расмийларига грантлар берилишига чеклов жорий этиш ҳақидаги фармонини конституцияга зид деб топди. Бу ҳақда «ТАСС» хабар бермоқда.
Судья Уильям Оррик ўз қарорида Оқ уй маъмурияти АҚШ Конгресси олдинроқ тасдиқлаган шаҳарлар ўртасида маблағ тақсимланиши тизимини бу тариқа ўзгартиришга ҳаққи йўқлигини кўрсатиб ўтди.
Апрель ойида Оррик «бошпана-шаҳарлар» ҳақидаги мазкур фармон амалда бўлишини вақтинча тўхтатиб қўйганди. Ўшанда у президент федерал харажатларни тартибга солувчи янги қоидаларни бир томонлама ўрнатиш ҳуқуқига эга эмаслигини маълум қилганди.
Изоҳ (0)