АҚШ президенти Дональд Трамп яқин орада Шимолий Кореяни террорчиликка ҳомийлик қилувчи давлатлар рўйхатига қайтаришни режалаштирмоқда. Бу ҳақда Meduza маълум қилди.
Трампга кўра, буни аллақачон амалга ошириш лозим эди. У, шунингдек, Пхеньян ядро қуроли ва баллистик ракеталар ишлаб чиқиш ҳамда синовдан ўтказишни тўхтатмагани учун Шимолий Кореяга қарши янги санкциялар жорий этишни ваъда қилди.
АҚШ Давлат департаментининг террорчиликка ҳомийлик қилувчи давлатлар рўйхатидан ҳозирда Сурия, Судан ва Эрон ўрин олган.
КХДР 1988 йили мамлакат махсус хизматлари Жанубий Корея йўловчи самолёти портлашини уюштирганидан сўнг шундай давлатлар қаторига киритилганди. Бироқ 2008 йилда АҚШ президенти кичик Жорж Буш Пхеньяннинг ядро қуроли соҳасида тадқиқотлар олиб бормаслик ваъдаси туфайли Шимолий Кореяни мазкур рўйхатдан чиқарганди.
Изоҳ (0)