NASA тадқиқот самолёти Атлантика океанида ғойиб бўлган Аргентинанинг «Сан-Хуан» сув ости кемасини қидириш ишларида иштирок этмоқда, америкалик ҳарбийлар ҳам бунга қўшилишга тайёр. Бу ҳақда АҚШ армияси Жанубий қўмондонлиги вакили Хосе Руиз маълум қилди, дея хабар беради «РИА Новости».
Руизга кўра, коинот агентлигининг P-3 Orion самолёти Аргентинанинг Ушуая шаҳридан учиб кетди. Ҳаво кемаси Антарктикада тадқиқотлар ўтказиш учун бу ерда бўлиб турганди.
Қўмондонлик вакили америкалик ҳарбийлар қидирувга тайёрлиги, бироқ Аргентинадан сўров кутаётганлигини билдирди. Мамлакат ҳарбий-денгиз кучлари сув ости қутқарув операцияларини таъминлаш хизмати мутахассислар гуруҳи ва қурилмалар, жумладан, Submarine Rescue Diving and Recompression System сув ости аппаратини тайёрламоқда.
Изоҳ (0)