Ҳукмрон Зимбабве Африка миллий иттифоқи партияси президент Роберт Мугабенинг рафиқаси Грейс Мугабени партиядаги лазовимини тарк этишга чақирди. Бу ҳақда Herald газетасига таяниб, «РИА Новости» хабар берди.
Аввалроқ, 17 ноябрь куни партиянинг ҳудудий мувофиқлаштирувчи қўмиталарининг ўнтадан саккизтаси Мугабени президентлик лавозимини тарк этишга чақирган эди.
Нашрнинг маълумотларига кўра, Мугабени партияни тарк этишга партиянинг ҳудудий мувофиқлаштирувчи қўмиталарининг барчаси иштирок этган учрашувда чақирилган. Шунингдек, учрашув иштирокчилари ишдан бўшатилган вице-президент Эммерсон Мнангагва ҳуқуқларини қайта тиклаш бўйича сўз юритди. Уларнинг таъкидлашича, Мнангагванинг истеъфога чиқарилиши бўйича қарор марказий қўмита рухсатисиз қабул қилинган.
Бунга қадар ҳарбийлар Зимбабве пойтахти Хараредаги телемарказ ҳамда Мугабе қароргоҳи устидан назоратни ўз қўлига олгани ҳақида хабар берилганди. Шаҳар кўчаларида зирҳли техникалар пайдо бўлган. Зимбабве етакчиси ЖАР президенти Жейкоб Зума билан бўлиб ўтган телефон суҳбатида ҳарбийлар уни уй қамоғида ушлаётганини тасдиқлади.
Шунингдек, хабар берилишича, президентнинг рафиқаси Грейс Мугабе мамлакатдан қочиб кетган, ишдан бўшатилган вице-президент Эммерсон Мнангагва эса ҳукуматни бошқариш учун пойтахтга қайтган.
Изоҳ (0)