КХДР мамлакатнинг шарқий соҳилларида жойлашган Жанубий Симпхо кемалар қуриладиган корхонасида баллистик ракеталарни ташувчи сув ости кемаларини қураётган бўлиши мумкин, деб хабар беради «ТАСС».
Мазкур тахмин КХДР ҳақидаги маълумотларни тўплаш ва таҳлил қилиш билан шуғулланадиган 38 North таҳлилий порталида чоп этилган эксперт мақоласида ўз аксини топган.
Экспертлар бундай хулосага келиши учун 5 ноябрь куни йўлдошлар орқали олинган суратлар асос бўлган. Хусусан, суратларда сув ости кемаси мустаҳкам корпусининг ташқи қисмлари эканлиги айтилаётган иккита цилиндрсимон объект кўзга ташланади.
Улардан бирининг диаметри 7,1 метрни ташкил этади, иккинчиси эса конуссимон шаклда бўлиб 7,1 метрдан 6,1 метргача торайган.
Мазкур маълумотларга асосланиб, экспертлар КХДРнинг баллистик ракета ташиш хусусиятига эга Симпхо класси сув ости кемалари яратмоқда, деган хулосага келди.
Изоҳ (0)