Венесуэланинг собиқ бош прокурори Луиза Ортега Диас Гаагадаги халқаро жиноий судга мамлакат президенти Николас Мадуро ва бошқа юқори лавозимдаги шахсларни қўлга олиш талаб қилинган шикоятни йўлади. Бу ҳақда «Газета.ru» хабар бермоқда.
Диасга кўра, Мадуро инсониятга қарши жиноятларда гумон қилиниб сўроққа тутилиши лозим. У полициячилар ва ҳарбийлар 2015—2017 йилларда ҳукумат кўрсатмаси билан 8 мингдан ортиқ қотилликни амалга оширганини даъво қилмоқда.
Олдинроқ собиқ бош прокурор Мадурони Бразилиянинг Odebrecht қурилиш фирмаси билан боғлиқ коррупциявий можарога алоқадорликда айблаганди. Шундан сўнг Диас мамлакатни тарк этган, Венесуэла президенти эса уни халқаро қидирувга берганди.
Изоҳ (0)