69 ёшида саратон касаллигидан вафот этган россиялик сатирик-ёзувчи Михаил Задорнов Латвияда 15 ноябрь, чоршанба куни дафн этилади. Бу ҳақда унинг оиласи «ВКонтакте» ижтимоий тармоғидаги саҳифасида маълум қилди, дея хабар беради «ТАСС».
«Ригадаги Александр Невский черковида 15 ноябрь куни жаноза маросими бўлиб ўтади. Шундан сўнг марҳум Юрмаладаги Яундубулти қабристонида, отасининг ёнида дафн этилади. Бизни бу оғир кунларда қўллаб-қувватлаган барчага миннатдорлик билдирамиз», — дейилади хабарда.
12 ноябрь, якшанба куни Москва вилоятидаги касалхоналардан бирида ёзувчи билан ёпиқ видолашув маросими ўтказилди. Задорновнинг 100 дан ортиқ мухлиси унда қатнашиш имкониятига эга бўлди.
Изоҳ (0)