Михаил Задорновнинг оиласи ёзувчи билан Москва шаҳрида видолашув маросими ўтказиш режасидан воз кечди. Бу ҳақда «MK.ru» хабар бермоқда.
Маросимни 12 ноябрь, якшанба куни Москва вилоятидаги касалхоналардан бирида ўтказишга қарор қилинди. Унга фақат оиланинг энг яқин кишилари тўпланади.
Михаил Задорнов ўзи туғилиб-ўсган Латвияда дафн этилади. Унинг отасини қабри ҳам шу ерда жойлашган.
Эслатиб ўтамиз, россиялик сатирик ёзувчи 10 ноябрь, жума куни 69 ёшида саратон касаллигидан вафот этди.
Изоҳ (0)