Туркия ҳарбий-ҳаво кучлари томонидан Ироқ шимолида ўтказилган ҳаво операцияси давомида Курдистон ишчи партияси (КИП)нинг 69 аъзоси йўқ қилинди. Бу ҳақда «РИА Новости» хабар бермоқда.
Хабар беришларича, операция Ироқ шимолидаги Қандил, Зап ва Асос туманларида ўтказилган. Авизарбалар оқибатида КИПнинг 69 аъзосидан ташқари, иккита қурол-яроғ омбори ва зенит қурилмаси йўқ қилинган.
2015 йил июлида Туркия ҳукумати ва КИП ўртасидаги қуролли низо қайтадан бошланган эди. Оқибатда, ўтган давр мобайнида Туркияда 900 дан зиёд ҳарбий хизматчи ва полиция ходимлари, 300 дан ортиқ тинч аҳоли ҳалок бўлди.
Айни вақтда, Туркия Мудофаа вазирлиги маълумотларига кўра, мамлакат хавфсизлик кучлари КИПнинг 10 мингдан кўпроқ аъзоларини зарарсизлантиришга муваффақ бўлган.
Изоҳ (0)