Жанубий Африкадаги Ғарбий Кап провинциясида ўтган икки йил рекорд даражада қуруқ бўлди, деб хабар беради National Geographic.
Кейптаун ҳудудида ёғингарчилик нормаси 450 миллиметр бўлган ҳолатда 2015 йилнинг ноябригача бу кўрсаткич 280 миллиметрни ташкил этган. Кейинги йилда бу кўрсаткич 206 миллиметргача камайиб кетган.
2017 йилнинг май ойида ҳукумат провинцияни табиий офат ҳудуди, деб аталади.
Вазият кейинчалик ҳам ўзгармади. ЖАРнинг бу қисмида одатда апрелдан сентябргача ёмғир ёғади, бироқ бу йили ёмғир жуда кам кузатилди: йил бошидан бери бу ерда 135 миллиметр ёғингарчилик бўлган.
Натижада энг йирик маҳаллий сув омбори Тиуотерсклуфда сув ҳажми 27 фоизгача камайди, катталиги бўйича иккинчи ўринда турувчи Воэлвлей сув омборида эса бор-йўғи 28 фоиз сув қолган.
NASA йўлдошлари томонидан олинган суратларда Тиуотерсклуфнинг 2014 ва 2017 йилдаги кўриниши яъни қурғоқчиликкача ва қурғоқчилик давридаги ҳолати акс этган.
Экспертлар томонидан тузилган жадвал, шунингдек, 2013 йилдан бошлаб сув даражасининг тушишини ҳам акс эттиради.
Кейптаун ҳукумати сув истеъмолига қатъий чекловлар қўйди. Унга кўра, ҳар бир одам бир кунда 87 литрдан кўп сув ишлатиши мумкин эмас.
Фуқароларга душ қабул қилиш жараёнини икки дақиқагача қисқартиришни ва фойдаланилган сувни кейинчалик уй тозалашда ишлатишни тавсия этмоқда.
Автомобильларни ювиш ва ҳовлида болалар учун бассейн барпо этишга эса йўл қўйилмайди. Умумий шаҳар даражасида ишлатилган сувлар қайта ишлашга юборилади, шаҳар ҳукумати эса янги сув манбаларини изламоқда.
Изоҳ (0)