Жанубий Хитой денгизида, Филиппин ғарбида Haikui номини олган янги, мазкур мавсумдаги 24-тропик пўртана шаклланди. Бир неча кундан сўнг у Вьетнам учун хавф туғдириши мумкин, дея хабар беради «ТАСС».
Синоптиклар марказида шамолнинг тезлиги соатига 90—105 километр бўлган тўфоннинг аниқ йўналишини башорат қилмади. Бироқ улар табиий офат бир неча кундан сўнг дунёнинг кўплаб давлатлари етакчилари Осиё-Тинч океани иқтисодий ҳамкорлиги (Asia-Pacific Economic Cooperation, APEC) саммитида иштирок этиш учун ташриф буюрган Дананг ҳудудига етиб келишини истисно этмади.
Қайд этиш жоизки, тўфон халқаро тадбирга халақит бермайди, чунки у Вьетнам қирғоғига 14—15 ноябрь куни ва кучсизлашган ҳолда етиб келади. Саммит эса 10—11 ноябрь кунлари бўлиб ўтмоқда.
Изоҳ (0)