Мисрнинг Синай ярим ороли марказида катта юк машиналари карвонига экстремистлар томонидан уюштирилган ҳужум оқибатида камида 10 киши ҳалок бўлди. Бу ҳақда «ТАСС» хабар бермоқда.
Хабар беришларича, ушбу ҳужум 9 ноябрь куни ИШИД террорчилик ташкилотига алоқадор «Ансор Байт ал-Мақдис» гуруҳи томонидан амалга оширилган. Террорчилар Миср армиясига тегишли юк машиналарини тўхтатиб, ҳайдовчиларни отиб ташлаган.
Ҳуқуқ-тартибот органларидаги манбалар маълумотига кўра, ҳалок бўлганларнинг саккиз нафари ноҳарбий фуқаролар, қолган иккиси эса ҳарбий хизматчилардир. Жангарилар ҳарбийларнинг қуролларини олиб, бу машиналарни ёқиб юборган.
Мазкур ҳодиса юзасидан Миср ҳукумати ҳозирча ҳеч қандай расмий баёнот ё ахборот берганича йўқ.
Изоҳ (0)