Шанхай яқинида Songjiang InterContinental меҳмонхонаси қурилиши якунланмоқда. Бу ҳақда The China Daily хабар берди.
Бинонинг бир қисми ташландиқ конда жойлашган. Меҳмонхона илк мижозларни келгуси йил баҳорида қабул қилиши кутилмоқда.
Меҳмонхона чуқурлиги 90 метр бўлган ташландиқ конда қурилмоқда, ер юзасида унинг фақат икки қавати жойлашади. Бинонинг асосий қисми кон ичида, яна бир неча қавати сувости бўлиши режалаштирилган.
Меҳмонхона 370 хонадан иборат бўлади, уларда 1000 га яқин киши истиқомат қилиши мумкин. Шунингдек, конференс-заллар, дам олиш зоналари ва ресторанлар фаолият кўрсатади.
Қурилиш билан Британиянинг Аткинс бюроси меъморлари шуғулланмоқда. Улар бинони атрофдаги ландштаф билан уйғунлаштириш учун меҳмонхона томида дарахтлар экишни кўзламоқда.
Меҳмонхонанинг энг фарқли жиҳати эса бино марказидаги коннинг энг юқори нуқтасидан тушиб келадиган шаршара бўлади.
Изоҳ (0)