Шаржа муниципалитетида бир ой давомида амирлик ҳукмдори Султон бин Муҳаммад ал-Қосимий кўрсатмасига мувофиқ «оилалардан келиб тушаётган кўплаб шикоятларга муносабат билдириш» мақсадида турар-жойлар кучайтирилган тартибда текширувдан ўтказилди. Бу ҳақда UAE Inside хабар бермоқда.
1 октябрь ҳолатига инспекторлар уйланмаган йигитлар истиқомат қилаётган 1492 квартира ҳақида маълумот олди. Текширувлар давомида улардан ҳар бирига кўчиб ўтиши учун муҳлат берилди, бироқ фақат 1143 киши огоҳлантириш талабларини бажарди. Қолган 349 нафар бўйдоқнинг иши энди судда кўрилади.
«Амирликда яшаш қоидалари бузилиши устидан назорат Шаржа ҳукмдори фармойишига мувофиқ ўрнатилди. Мавжуд удум ва анъаналарга риоя этилишини таъминлаш, шунингдек, турар-жойларда истиқомат қилувчи оилалар хавфсизлиги ва осойишталигини таъминлаш лозим», — таъкидлади Шаржа муниципалитети бош директори ўринбосари Холид бин Фалах ал-Сувайдий.
Изоҳ (0)