Оқ уй Россияни БМТ ҳамкорлик механизми ва кимёвий қуролларни тақиқлаш бўйича ташкилот ишига халақит беришга уринганликда айблади. Бу ҳақда «Газета.ru» хабар бермоқда.
«Россиянинг БМТ ҳамкорлик механизми ва кимёвий қуролларни тақиқлаш бўйича ташкилот ишига халал бериши, инсонларнинг кимёвий қуроллардан азият чекиши ва вафот этишига шафқатсизларча муносабат ҳамда халқаро нормаларга тамомила ҳурматсизликни намойиш этади», — дейилади хабарда.
Аввалроқ, Россия БМТ Хавфсизлик кенгашида Суриядаги кимёвий ҳужумларни текшириш бўйича БМТ ҳамкорлик механизми ва кимёвий қуролларни тақиқлаш бўйича ташкилот мандатини узайтириш тўғрисидаги резолюция лойиҳасини блоклаб қўйган эди.
Россиянинг БМТдаги доимий вакили Василий Небензя резолюция лойиҳасини қабул қилишгача доклад билан танишиб чиқиши зарурлигини билдирган эди.
БМТ ҳамкорлик механизми экспертлари ишлари мандати 17 ноябрь куни якунланади.
Изоҳ (0)