Венесуэла президенти Николас Мадуро инфляция, сиёсий инқироз ва маҳсулотлар танқислиги фонида мамлакатда энг кам иш ҳақи яна оширилганини эълон қилди, деб ёзади «Газета.ru».
Иш ҳақи шу йил бошидан буён бешинчи марта оширилмоқда. Бу сафар у 30 фоизга — 136,5 мингдан 177,5 минг боливаргача кўтарилди («қора бозор»даги жорий курс бўйича бу сумма 4,3 долларга тенг).
Шу билан бирга, асосий озиқ-овқат саватини сотиб олиш учун ойлик тўловлар миқдори қарийб 48 фоизга — 189 мингдан 279 минг боливаргача ошди.
Шу тариқа энг кам ойлик иш ҳақининг умумий миқдори энди 456,5 минг боливарни ташкил қилмоқда.
Шу билан бир вақтда, «қора бозор»да Америка валютаси курси ўсиши натижасида венесуэлаликлар маошининг доллардаги миқдори пасайиб кетди.
Изоҳ (0)