Каталония ҳукуматининг собиқ раҳбари Карлес Пучдемон ва бир неча сиёсатчилар Мадридда бўлиб ўтадиган судда кўрсатма беришдан бош тортишини маълум қилди, деб хабар беради «Газета.ru».
Улар шунингдек, Испания миллий суд палатаси судьяси Кармен Ламеланинг ҳаракатлари «сиёсий суд» ҳисобланиши ҳамда уларнинг мақсади «ғоялар учун жазолаш» эканлигини ҳам маълум қилган.
Испания суд палатаси Пучдемон ва Каталония ҳукуматининг бошқа аъзоларини кўрсатма беришга чақирди. Улар судга келмаса, Каталония ҳукуматининг собиқ раҳбари ва унинг тарафдорларига нисбатан қидирув эълон қилиниши таъкидланмоқда.
Изоҳ (0)