Босния ва Герцоговина таркибига кирувчи Серб Республикаси полицияси томонидан қўлга олинган гумонланувчи ёнидан Дейтон битимининг асл нусхаси топилган. Бу ҳақда Серб Республикасининг Ички ишлар вазирлигининг уюшган жиноятчиликка қарши курашиш бошқармаси бошлиғи Дарко Иличга асосланиб, «РИА Новости» хабар берди.
Президиумнинг собиқ хорват аъзоси Желко Комшич 2008 йилнинг февралида президиум архивларида мамлакатда 1992—1995 йилларда бўлиб ўтган урушнинг якунланишига сабаб бўлган Дейтон битимининг асл нусхаси йўқ эканлигини маълум қилганди. Жорий йилнинг август ойида эса Серб Республакаси бош вазирининг биринчи ўринбосари ва ИИВ раҳбари Ивица Дачич ҳужжат имзоланаётганда Югославия собиқ президенти Слободан Милошевич иштирок этганига қарамай, расмий Белградда битимнинг асл нусхаси мавжуд эмаслигини хабар қилган.
Битимнинг инглиз тилидаги асл нусхаси хавфсизлик ходими ва Серб Республикаси парламенти собиқ раисининг ҳайдовчиси Желко Кунтошнинг уйидан топилган. Кунтош ҳибсга олинган, у «ўз васифасини суиистеъмол қилишда» гумонланмоқда.
Босния ва Герцоговина 21 ноябрь куни хорватлар, серблар ва мусулмонлар ўртасидаги фуқаролар урушига барҳам берган Дейтон битимининг 22 йиллигини нишонлайди. Тахминларга кўра, ушбу можаро оқибатида 100 мингдан ортиқ одам ҳалок бўлган.
Изоҳ (0)