Bosniya va Gersogovina tarkibiga kiruvchi Serb Respublikasi politsiyasi tomonidan qo‘lga olingan gumonlanuvchi yonidan Deyton bitimining asl nusxasi topilgan. Bu haqda Serb Respublikasining Ichki ishlar vazirligining uyushgan jinoyatchilikka qarshi kurashish boshqarmasi boshlig‘i Darko Ilichga asoslanib, “RIA Novosti” xabar berdi.
Prezidiumning sobiq xorvat a’zosi Jelko Komshich 2008-yilning fevralida prezidium arxivlarida mamlakatda 1992—1995-yillarda bo‘lib o‘tgan urushning yakunlanishiga sabab bo‘lgan Deyton bitimining asl nusxasi yo‘q ekanligini ma’lum qilgandi. Joriy yilning avgust oyida esa Serb Respublakasi bosh vazirining birinchi o‘rinbosari va IIV rahbari Ivitsa Dachich hujjat imzolanayotganda Yugoslaviya sobiq prezidenti Slobodan Milosheviсh ishtirok etganiga qaramay, rasmiy Belgradda bitimning asl nusxasi mavjud emasligini xabar qilgan.
Bitimning ingliz tilidagi asl nusxasi xavfsizlik xodimi va Serb Respublikasi parlamenti sobiq raisining haydovchisi Jelko Kuntoshning uyidan topilgan. Kuntosh hibsga olingan, u “o‘z vasifasini suiste’mol qilishda” gumonlanmoqda.
Bosniya va Gersogovina 21-noyabr kuni xorvatlar, serblar va musulmonlar o‘rtasidagi fuqarolar urushiga barham bergan Deyton bitimining 22 yilligini nishonlaydi. Taxminlarga ko‘ra, ushbu mojaro oqibatida 100 mingdan ortiq odam halok bo‘lgan.
Izoh (0)