Ҳакамлар Бошқармаси раҳбари Тошкент дербисигача ЎФФдан ўз хоҳишига кўра ишдан кетгани маълум бўлди

ЎФФ қошидаги Ҳакамлар Бошқармаси бошлиғи сифатида ишлаб келаётган Ноил Лутфулин ўз хоҳишига кўра ишдан кетган. Бу ҳақда ташкилот матбуот хизмати хабар берди.

Айни пайтда ЎФФ Ҳакамлар Бошқармасига янги раҳбар излаш ишлари билан банд. Ноил Лутфулин нима сабабдан истеъфони истаб қолгани борасида аниқ маълумотлар йўқ.

Олий Лига ҳакамлари билан боғлиқ сўнгги вақтларда бир қатор кўнгилсиз воқеалар кузатилмоқда. Ҳаммаси «Бухоро» ва «Динамо» клублари ўртасидаги ўйиндан кейин бошланган бўлиб, учрашув рефериси Рустам Бобомуродов биргина баҳсли вазият сабаб бир умрга футболдан четлатилганди.

Футболдан четлаштирилган ҳакам Рустам Бобомуродов ўйинни ҳалол бошқаргани ҳақида айтди, у тушкунликда

Кейинроқ «Шўртан» — «Навбаҳор» ўйинида бир қатор хатоларга йўл қўйган Олим Толибжонов 10 та ўйинга четлаштирилди. «Пахтакор» — «Қўқон—1912» ўйинини бошқарган ҳар тўрт ҳакам мавсум якунига қадар футболдан четда қолдирилди. Улар ўйинни савиясиз бошқаргани айтилди ҳамда шундай ҳакамларга юқори баҳо қўйган назоратчи ҳам четлатилди. ЎФФ Ҳакамлар Бошқармаси бунда савиясиз деганда айнан нима назарда тутгани ва ҳеч қандай аҳамият касб этмаган тўртинчи ҳакам нега четлатилгани борасида аниқ-тиниқ баёнот бермади.

«2» баҳога лойиқ кўрилган ўзбекистонлик футбол ҳакамининг баҳсли қарорларидан видеошарҳ

Дўпписини ол деса... Қанот ҳаками хато қилди, ЎФФ эса 4 ҳакам ва назоратчини футболдан четлатди

«Пахтакор» иштирокидаги сўнгги икки беллашув ҳам ҳакамлар масаласига бориб тақалди. Бирида Шерзод Қосимов «Бухоро»даги ўйинда баҳсли пенальти белгилаган бўлса, «Бунёдкор»га қарши беллашув тақдирини яққол офсайддан урилган гол ҳал қилди. Ҳакамлар Қўмитаси сўнгги икки учрашув ҳакамлигини ўрганиб чиқишга улгурмади.

«Пахтакор»нинг кетма-кет 3-ўйинида ҳакамлар можароси. «Бунёдкор» офсайддан урилган гол эвазига мағлуб этилди (видео)