Украина давлат миграция хизмати Грузия собиқ президенти Михаил Саакашвилининг қочоқ мақомини олиш ҳақидаги аризасини рад этди, деб ёзади «Pravda.com.ua». Бу ҳақда бош прокурор Юрий Луценко маълум қилган.
«Энди у апатрид (фуқаролиги бўлмаган шахс)», — деди Луценко ва уни депортация қилишга тўсқинлик кўрсатувчи ҳеч қандай ҳолат йўқлигини қўшиб қўйди. Саакашвили бу борада ҳозирча судга мурожаат қилгани йўқ.
Нашр эслатишича, аввалроқ Саакашвили Украина ҳукумати уни «депортация қилиши ва ҳатто ўлдириши» мумкинлигини айтган эди.
Изоҳ (0)