Фотогалерея: Авваллари ҳаёт «қайнаган» ташландиқ масканлар

AdMe турли сабаблар ва вазиятларга кўра бутунлай тарк этилган масканларнинг суратларини тўплаб, тақдим этди.

Аржентера, Италия

Аржентера — кончиларнинг собиқ шаҳарчаси. Унинг номи «argento» — кумуш сўзидан келиб чиққан. Бу ердан кумуш қазиб олиш ишлари қадимги римликлар ва финикияликлар даврида бошланган. Кумуш рудасини қазиб олишнинг гуллаган даври ХХ асрнинг 40 йилларига тўғри келади. Шундан сўнг инқироз кузатилиб, кон 1963 йилда бутунлай ёпилган.

Кинта-да-Regalэйра, Португалия

Афсоналарга кўра, Кинта-да-Regalэйра сарой-комплексида жойлашган ушбу тўққиз қаватли қудуқ дўзахнинг 9 та айланасига ишора. Авваллари бу жойда масонлар диний маросимлар ўтказганликлари ҳақида миш-мишлар юради.

Грютвикен, Жанубий Георгия ва Жанубий Сандвич ороллари

Грютвикен — бу Буюк Британиянинг денгизорти ҳудудларидан бирининг маъмурий маркази. 1904 йилда бу ерда Антарктикадаги биринчи кит овлаш базаси ишга тушган. Ташландиқ станцияда бирламчи вазифасини сақлаб қолган ягона бино — черков мавжуд. Бу ерда сўнгги бор 2009 йилнинг 18 ноябрида никоҳ ўқилган.

Орадур-сюр-Глан, Франция

1944 йилнинг июнида СС ротаси Орадур-сюр-Глан қишлоғини вайрон қилган. Натижада қишлоқнинг 642 нафар аҳолиси ҳалок бўлган. Урушдан сўнг Франция президенти бу қишлоқда қайта тиклаш ишларини ўтказиш шарт эмаслигини эълон қилган: унинг қарорига кўра, қишлоқ нацистларнинг шафқатсизлигидан аччиқ ёдгорлик бўлиб қолиши керак эди.

Мис Романо, АҚШ

Бир нечта гумбазлардан иборат бу уй 1980 йилда қурилган. Кўп ўтмай, уй остидаги қумлар ҳаракатга кела бошлаган. 2005 йилда уйнинг янги эгаси уни қайта таъмирлашни режалаштирган, бироқ ҳукуматнинг янги қарорига асосан бу ишни амалга ошира олмаган. Ҳозирда ушбу уйда ҳеч ким яшамайди.

Спиналонга, Греция

Спиналонга — Критнинг шарқий қисмида жойлашган орол. 1669 йилда Крит Усмонийлар салтанати томонидан эгалланган. Греклар туркларни бу ердан қувиб чиқариш учун барча моховларни тўплаб, оролга йўллаган. Касалланишдан қўрққан турклар оролни тарк этган.

Ағдам, Тоғли Қорабоғ Республикаси / Озарбайжон

Ағдам 1993 йили, Қорабоғ уруши вақтида артиллерия томонидан ўққа тутилган. Human Rights Watch халқаро ҳуқуқни ҳимоя қилиш ташкилотининг маълумотларига кўра, Ағдам эгаллангач, Тоғли Қорабоғ ҳукумати бу ерда мақсадли талон-тарож уюштирган ва шаҳарни ёқиб юборган.

Хасима, Япония

Хасима — Шарқий Хитой денгизидаги орол бўлиб, бу ерда 600 метр чуқурликдан кўмир қазиб олинган. ХХ асрнинг 40 йилларида Mitsubishi Corporation бу ерга хитойликлар ва кореяликларни олиб келиб, мажбурлаб ишлатган. Орол узоқ йиллар давомида Ер юзидаги аҳоли энг зич истиқомат қиладиган жой ҳисобланган — 1 квадрат метрга 5 259 киши тўғри келган. 1974 йили шахта ёпилиши билан оролни ҳамма тарк этган.