Молдова мудофаа вазирини тайинлаш ҳақидаги фармонни президент ўрнига парламент спикери Андриан Канду имзолайди. Бу ҳақда NM хабар бермоқда.
Парламент матбуот хизматига кўра, Канду президент Игорь Додон номзодини икки бор қайтарган Еужен Стурзани вазир этиб тайинлаш ҳақидаги фармонни 24 октябрь куни имзолаши кутилмоқда. Бунгача президент маъмуриятидан парламентга барча ҳужжатлар етказиб берилиши лозим. Фармон имзоланса, Стурза ўша куннинг ўзида қасамёд келтириши ва вазифасига киришиши мумкин.
Молдова конституциявий суди 20 октябрда ҳукуматнинг мудофаа вазири номзодини маъқуллашда вақтинча президент вазифасини бажариш ўзини оқлайдиган ҳолатларни белгилаш ҳақидаги сўровини кўриб чиқди. Шунингдек, ҳукумат суддан бу вазифани бажарадиган шахсни белгилашни сўради.
Суд Игорь Додон конституциявий мажбуриятларининг бажаришдан бош тортгани, жумладан, бош вазир тақдим этган номзодни маъқуллашни рад этгани давлат раҳбари вазифаси вақтинча бажарилиши ўзини оқлайдиган ҳолат деб топди. Мудофаа вазирини спикер ёки бош вазир президент розилиги ва иштирокисиз тайинлаши мумкинлиги ҳақида қарор қабул қилди.
Изоҳ (0)