АҚШда вафот этган кишилар ва уларнинг тана аъзолари сотиладиган ярим қонуний бозор фаолият юритади. Бу ҳақда Reuters хабар бермоқда.
Мазкур йўналишдаги бизнес ночор америкаликларнинг ўз дафн маросими харажатларини тежаш эҳтиёжидан юзага келган.
Ахборот агентлиги бозор фаолияти юзасидан текширув ўтказди. Маълум бўлишича, мазкур ярим қонуний соҳада фаолият юритувчи компаниялар, одатда марҳумнинг тана қисмларини бепул кремация қилиш юзасидан шартнома имзолайди.
Бу хизматнинг эвазига эса улар марҳумнинг қолган аъзоларига эгалик қилиш ҳуқуқини қўлга киритади. Мазкур тизим Шимолий Американинг аксарият штатларида оммалашган. Бу хизматдан асосан дафн маросимини ўтказишга қурби етмаган ночор ва кам таъминланган оилалар фойдаланади.
Мазкур бизнес сердаромад тадбиркорлик турларидан бири ҳисобланади. Хабарда қайд этилишича, бундай фаолият билан шуғулланувчи компаниялардан бири уч йил ичида 1,25 миллион доллар даромад топган.
Изоҳ (0)