Беларусь чегарачилари Литва билан давлат чегарасини кесиб ўтган буғуни тасвирга олди. Ҳайвонни навбатчи интеграллашган қўриқлаш тизими орқали тасвирга олган. Чегара хизматидан маълум қилинишича, ана шундай ҳолатларда ҳайвонлар ўтиши учун мўлжалланган махсус жойлар бор, бироқ буғу уларни билмагани сабабли чегара тўсиғидан сакраб ўтган. Бу ҳақда TJournal хабар берди.
«Ўрмон қироли тез-тез шошилинч равишда қўшни мамлакат ҳудудига ўтади. «Ҳужжатсиз қоидабузар» яқин ҳудудда жойлашган Вилия дарёсидан сув ичиш учун йўлга чиққан бўлиши мумкин. Айнан шу дарё орқали бу ҳудудда Беларусь ва Литва ўртасидаги чегара ўтган», — дейилади Беларусь чегара қўмитасининг баёнотида.
Чегарачиларнинг тушунтиришича, қўриқлаш тизимининг сунъий интеллекти «хатосиз ишлади» ва ҳалокат сигналини бермади, чунки қоидабузар одам эмас, балки ҳайвон эди.
Изоҳ (0)