Интернет фойдаланувчилари Британиянинг This Morning шоуси бошловчиси Аманда Холденни дастур эфирида ердан сидириб олинган қаймоқни егани учун танқид қилди. Ҳодиса акс этган видео кўрсатувнинг Twitter’даги саҳифасига жойланди.
Холден телебошловчи шериги ва меҳмон ошпаз билан бирга безели торт тайёрлади. Қаймоқли кремни татиб кўрмоқчи бўлиб, журналист аёл унинг бир томчисини ерга томизиб юборди ва «уч сония қоидаси»ни тилга олган ҳолда, уни ердан сидириб олиб, еб қўйди. Унинг ҳамкасби бу нобоп ҳолат эканлигини айтди.
Томошабинлар қизни беодобликда айблади ва унинг иштирокидаги эфирларни ҳеч қачон кўрмасликка ваъда берди. Улар бундай хатти-ҳаракат жамоатчилик орасида «даҳшатли гигиена»ни тарғиб қилишини айтди.
Where do you stand on the three-second rule? pic.twitter.com/xTnN68WDyg
— This Morning (@thismorning) October 23, 2017
Изоҳ (0)