АҚШ Япониянинг Окинава оролидаги Кадена авиабазасига 12 та F-35А жанговар самолётини жойлаштиради. Бу ҳақда Қўшма Штатлар қуролли кучлари Тинч океани қўмондонлиги расман маълум қилди, дея хабар беради «ТАСС».
Самолётлар ва тахминан 300 кишидан иборат шахсий таркиб ноябрь бошида Юта штатидан Каденага келтирилади. Уларнинг Окинавада ротация тизими доирасида камида 6 ой бўлиши кўзда тутилган.
Ҳозирда АҚШ денгиз пиёдаларининг Хонсю оролидаги авиабазасида вертикал парвоз ва қўнишга қодир 16 F-35Б самолётлари жойлаштириб бўлинган.
Маълумот учун, F-35 самолётлари «стелс» технологиясидан фойдаланиб лойиҳаланган ва ядро қуролини элтишга қодир.
Изоҳ (0)