Қароқчилар Нигериянинг Порт-Харкорт шаҳри жанубидаги Биафра кўрфазида Demeter контейнер ташувчисига ҳужум қилди. Кема Гамбургнинг Peter Döhle Schiffahrts-KG кемачилик компанияси тегишли бўлиб, Либерияда рўйхатдан ўтган, дея хабар беради «Корреспондент.net».
8 нафар қароқчи тезюрар мотор қайиқда кемага ўтиб, экипажнинг 6 аъзоси, жумладан, капитанни ўғирлаб кетди.
Улар кемани тарк этганидан сўнг Demeter бортда қолган ва ҳужум оқибатида жабрланмаган 12 киши билан ҳаракатни давом эттирди. Ҳозирда кема хавфсиз сув ҳудудида эканлиги билдирилмоқда.
Ўғирланган денгизчилар Германия фуқаролари эмас, уларнинг қайси давлатга мансублиги хавфсизлик мақсадида ошкор этилмади.
Изоҳ (0)