Тошкент вилояти ҳудудида 11 октябрдан 18 октябрга қадар — бир ҳафта давомида 126 та жиноят қайд этилди. Бу ҳақда вилоят ИИБ матбуот хизмати «Дарё»га маълум қилди.
Жумладан, вилоятда ҳафта давомида 2 та қасддан одам ўлдириш, 4 та қасддан баданга оғир шикаст етказиш, 1 та босқинчилик, 2 та безорилик, 1 та талончилик, 45 та ўғрилик, 9 та фирибгарлик, 4 та гиёҳвандлик, 1 та автотранспорт воситасини олиб қочиш, 3 та иқтисодий ва 54 та бошқа турдаги жиноятлар содир этилган.
Бу жиноятларнинг 110 таси «иссиқ изи йўқолмасдан» фош этилган. Фош этилмаган 1 та босқинчилик, 1 та талончилик, 14 та ўғрилик жиноятлари бўйича айбдорларни қидириб топиш бўйича тергов ва тезкор чоралар кўрилмоқда.
Шунингдек, ҳафта давомида қидирувда юрган 23 нафар шахслар ушланди. Жумладан, уларнинг 2 таси қасддан одам ўлдириш, 1 таси қасддан баданга оғир шикаст етказиш, яна бири зўрлаб номусга тегиш жиноятларини содир этиб, суд ва терговдан қочиб юрган эди.
Ҳафта давомида илгари содир этилиб, очилмаган жами 11 та — 1 та автоулов олиб қочиш, 1 та хавф остида қолдириш, 9 та ўғрилик жиноятлари фош этилган.
Изоҳ (0)