КХДР АҚШга энг кутилмаган пайтда «ишониб бўлмайдиган» зарба бериш билан таҳдид қилди, деб ёзади «ТАСС».
Бу ҳақда 19 октябрь, пайшанба куни Корея Марказий телеграф агентлиги томонидан тарқатилган баёнотда айтилади. Баёнот Корея ярим ороли яқинидаги сувларда Ronald Reagan авианосеци иштирокида Жанубий Корея ва Америка ҳарбий-денгиз кучлари манёврлари ўтказилаётгани муносабати билан берилди.
«АҚШ биз асосий деб белгилаган нишонларни нақ бурнимизнинг тагига олиб келиб, ақлдан озганга ўхшайди. АҚШ шуни назарда тутиши керакки, бизнинг зарбамиз улар кутмаган вақтда ва жойда тўсатдан етиб боради», — дейилади Марказий телеграф агентлиги баёнотида.
Изоҳ (0)