«Мотор» нашри Венгриянинг Ikarus компанияси томонидан аэропортлар учун мўлжаллаб ишлаб чиқарилган автобуслар ҳақида маълумот тўплаб тақдим этди.
1982 йилда Neoplan фирмаси ўз вақтида энг катта бўлган Жидда (Саудия Арабистони) аэропортида хизмат кўрсатиши учун N980 аэродром автобусини тақдим этган. 18 метрли йирик автобус нафақат ўзининг «ғилдирак устидаги буханка» ва икки қаватли эканлиги билан, балки турли баландликка кўтарила оладиган кўприги билан ҳам ажралиб турган. Бу орқали йўловчилар тўғридан тўғри самолётга чиқишлари мумкин бўлган.
Венгриянинг 100 ўриндиқли Ikarus 692.01 PALT автобуси йўловчиларни меҳмонхонадан тўғри самолётга элтишда хизмат қилган.
Ғоя шундай бўлган: йўловчи автобсуга ўтиришдан олдин ўз юкларини махсус поддонга қўяди, юклар у ердан юкхона бўлинмасига ўтади. Автобус самолёт ёнига келгач юклар яна поддонга қайтади ва у самолётга ортилади. Йўловчилар эса турли баландликларга ўзгара оладиган махсус трап орқали самолёт ичига киради.
Бунинг ўзига яраша камчилиги бўлган: йўловчилар божхона кўриги ва рўйхатдан ўтиш амалиётларини автобусга ўтиришдан олдин ёки самолёт бортида амалга ошириш керак бўлган. Шу сабабли PALT тизимидан воз кечишга қарор қилинган.
Орадан бир йил ўтгач иккинчи прототип — Ikarus 695 АeroPALT тақдим этилган. Унинг вазифаси йўловчиларни «меҳмонхона — самолёт» йўналиши бўйича ташиш эмас, балки «аэропорт терминали — самолёт» бўлган.
Ушбу автобусга 692 моделига нисбатан 70 нафар одам кўпроқ кетган ва унинг трапи янада баландроққа кўтарила оладиган қилиб ишланган — 5 метр баландликка қадар.
Венгерлар 1985 йилда Ikarus 692’нинг иккинчи авлодини яратган. У ўзидан олдинги аждодидан анча сода ишланган: алоҳида юк бўлмасига эга бўлмаган.
Шунингдек, тўртта бурилиш ўқи ҳамда юқоридагилар ичида энг қулай трапга эга бўлган.
Учта автобус ҳам Москвада бўлиб ўтган Венгрия кўргазмасида намойиш этилган. Бироқ Собиқ иттифоқидаги бирорта республиканинг аэропорти уларга жиддий қизиқиш билдирмаган: қиммат, мураккаб ва ўзгарувчан иқлимга қандай бардош бериши номаълум.
Изоҳ (0)