Volvo янги электромобиллар брендининг биринчи моделини тақдим этди (фото)

«Ведомости» нашри икки йилдан сўнг Хитойда ишлаб чиқарилиши режалаштирилаётган корбон кузовли Polestar купеси ҳақида маълумотлар тўплаб тақдим этди.

Volvo Car Group Polestar брендининг биринчи моделини тақдим этди — карбон кузовли гибрид купе, унинг ўлчами BMW 6-серияли купесиникига ўхшаш.

Авваллари Volvo’нинг тюнинги билан шуғулланган Polestar швед-хитой автомобиль ишлаб чиқарувчисига қўшилганидан сўнг, мустақил брендга айланиши керак.

Polestar’нинг биринчи мустақил модели Polestar 1 дея номланди. У 2019 йилнинг ўрталарига чиқарилиши керак, бироқ буюртмалар 2017 йилнинг 17 октябридан бошлаб қабул қилинади.

2019 йилнинг охирига бориб ўрта ўлчамли Polestar 2 электромобили пайдо бўлади ва у Tesla Model 3 билан рақобат қилиши кутилмоқда.

Купе чекланган миқдорда ишлаб чиқарилади — йилига 500 донага яқин. Polestar учун Ченду марказида (Хитой) махсус ишлаб чиқариш маркази қурилмоқда. Қурилиш ишлари 2018 йилнинг ўрталарида якунланади.

Polestar 1 купеси Volvo XC90, S90/V90 ва ХC60 седанлари яратилган SPA платформаси асосида қурилади. Технология жиҳатидан бунга энг яқин рақиб — BMW i8 гибрид купеси.

Бренднинг келажакдаги барча машиналари тўлиқ электр қурилмалари билан жиҳозланади. Яқин 20 йил ичида сотиладиган автомобилларнинг 40 фоиздан ортиғини электромобиллар ташкил этади.

Polestar электромобилининг қуввати 600 от кучига тенг бўлади.

Электромобил бир марта қувватланиш орқали 150 километр масофани босиб ўтишга қодир.

Volvo Cars ва унинг эгаси Geely Holdings Polestar’нинг дастлабки босқичида 640 миллион евро сармоя киритмоқда.

Келажакда Polestar’нинг 100 фоиз машиналари онлайн буюртма қилинади ва икки ёки уч йиллик обуна асосида депозитсиз тақдим этилади.

Обунага турли хизматлар, масалан машинага товарларни етказиб бериш ва уни Volvo ҳамда Polestar моделидаги бошқа автомобилларга алмаштириб бериш мумкин бўлади.

Машина виртуал телефон орқали (Phone-Аs-Key) эркин фойдаланиш технологиясига эга бўлади, бу эса виртуал калитни учинчи шахсларга ўтказиш ва консьерж хизматларидан фойдаланишни осонлаштиради.

Polestar онлайн равишда сотилади, бироқ компания Polestar Space глобал тармоқлар марказини очиш ниятида.