Тошкент шаҳри Учтепа тумани ИИБ ҲПБ профилактика инспекторлари соҳавий хизмат ходимлари билан ҳамкорликда «ВАЗ-2106» автоуловини олиб қочган шахс қўлга олинди. Бу ҳақда ИИВ Ҳуқуқбузарликлар профилактикаси бош бошқармаси хабар берди.
Учтепа туманида 10 октябрь куни соат 22:30 дан 11 октябрь куни соат 08:00 гача бўлган вақт оралиғида, номаълум шахс, Чилонзор 15—14-уйнинг олд томонида жойлашган автоуловлар тураргоҳида қаровсиз қолдирилган, 1982 йилда туғилган фуқаро Х.Ага тегишли «ВАЗ-2106» автоуловини номаълум томонга бошқариб воқеа жойидан яширинган эди.
Олиб борилган тезкор тадбир давомида, ушбу жиноятни 1992 йилда туғилган, муқаддам судланган А.Марий 2-тор кўчасида яшовчи Х.Д томонидан содир этилганлиги аниқланиб ушланди.
Мазкур ҳолат юзасидан Учтепа тумани ИИБ томонидан фуқаро Х.Дга нисбатан Ўзбекистон Республикаси ЖКнинг 267-моддаси 1-қисми билан жиноят иши қўзғатилди.
Изоҳ (0)