17 октябрнинг эътиборга молик янгиликлари — «Дарё»нинг кечки дайжестида.
1. Москвадаги салон маъмурияти ўзбекистонлик марҳум сартарош ҳақида: У оғир-вазмин, раҳмдил одам эди. Достон Одилхонов Фарғонада дафн этилади.
2. Рамзан Қодиров Ислом Каримов қабрини зиёрат қилди. У, шунингдек, Имом Бухорий мажмуаси, Баҳоуддин Нақшбанд мақбараси ва Мир Араб мадрасасида ҳам бўлди. Шавкат Мирзиёевни эса Чеченистонга таклиф қилди.
3. Саакашвили Олий Рада олдидаги намойишда президент Порошенко истеъфосини талаб қилди. Намойишчилар парламент биносини қўриқлаб турган полициячилар билан муштлашди, Порошенко эса уларга 2015 йилги қурбонлар ҳақида эслатди.
4. «Ҳоким алмашаверади, муаммо шундайлигича қолаверади». Ўзбекистон телевидениесининг «Сайёр камера»си Тошкентнинг турли туманларида бўлиб, абгор аҳволларни ўрганди.
5. Ҳинд сиёсатчиси Тож Маҳални мамлакат тарихидан ўчириб ташлашга ваъда берди. «Штат ҳукумати ва марказий ҳукумат тарих китобларидан Бобур, Акбар, Аврангзебга алоқадор жойларни ўчириб ташлаш устида ишламоқда».
Изоҳ (0)