Жиззах вилоятида Ўзбекистон фуқаролигига қабул қилинган 21 кишига фуқаролик паспортлари тантанали равишда топширилди. Бу ҳақда ЎзА хабар бермоқда.
Зарбдор туманида 26 йилдан буён яшаб келаётган Карим Холиқов — Ўзбекистон фуқаролигига қабул қилинлардан бири. «Касби агроном бўлган Холиқов ўзининг фидойи меҳнати билан кўпчиликнинг ҳурматини қозонган», — деб ёзади ЎзА.
Фуқаролигим бўлмагани боис ҳуқуқларим чеклангани юрагимда армон эди. Бугун мен ҳаммадан кўра бахтиёрман. Ҳаётимдаги энг катта орзуим ушалди, Ўзбекистон фуқаролик паспортини олишга муяссар бўлдим. Бу ишонч мени жонажон Ўзбекистонимиз тараққиёти йўлида янада фидойилик билан меҳнат қилишга ундайди.Тадбирда Ўзбекистон фуқаролигига муяссар бўлган арнасойлик Марварид Шаҳарова, зоминлик Турсунбек Мираброров, Шароф Рашидов туманидан Наримон Аждаров ҳам сўзга чиқди.Карим Холиқов, зарбдорлик агроном
Жиззах вилоят ИИБ миграция ва фуқароликни расмийлаштириш бошқармаси катта инспектори, капитан К.Абдуалимовнинг сўзларига кўра, ҳозирга қадар вилоятдан 42 нафар шахснинг Ўзбекистон фуқаролигига қабул қилиш тўғрисидаги мурожаати қаноатлантирилди.
Изоҳ (0)